(बिश्व कथा) भेट–घाट

 समरसेट माँम
अनुवादक _ सरण  राई

बगदादमा एक ब्यापारीले आफ्नो नोकरलाई केही चिजहरू ल्याउन बजार पठायो । नोकर केही बेरमै दगुर्दै फर्क्यो र डरले काम्दै भन्यो— “मालिक, बजारमा एउटा आइमाई मसित ठोक्किएर गइन् । उसलाई हेर्न भनेर फर्किदा के देखँ भने ऊ काल हो । तब उसले मलाई धम्की दियो । ...त्यसकारण अब मलाई कृपा गरेर आफ्नो घोडा दिनुहोस, जसले गर्दा त्यसमाथि चढेर यहाँबाट भाग्न सकूँ र छिटोभन्दा छिटो समरा पुग्न सकूँ, जहाँ कालले मलाई खोज्न नसकोस् ।”
ब्यापारीले उसलाई घोडा दियो । नोकर त्यसमाथि चढेर समरातर्फ भाग्यो ।
ब्यापारी बेलुकि बजारमा गयो । त्यहाँ काललाई उसले त्यही आइमाईको रूपमा भेट्यो । उसले अगाडि गएर भन्यो—“तिमीले मेरो नोकरलाई आज बिहान किन धम्की दियौ ?”
“त्यो धम्की होइन” कालले भन्यो— “मैले त उसलाई अलिकति तर्साएको मात्र थिएँ । उसलाई बगदादमा देखेर म छक्क परेको थिएँ, किनकि आज राती म उसित समरामा भेट्न गइरहेको छु ।”

'उत्थान ' वर्ष १ अङ्क १, २०३९


सरण  राईको कथा हेर्न --http://kathaasansaar.blogspot.com/